O Concello de Oroso organiza unha peregrinaxe polo Camiño Inglés desde Ferrol a Santiago de Compostela.

O prazo de inscrición comeza o día 12 de novembro.

O departamento de turismo do Concello de Oroso organiza unha peregrinaxe desde Ferrol a Santiago de Compostela baixo a iniciativa ‘Camíñao con nós’, para todas aquelas persoas interesadas no Camiño Inglés.
O Concello de Oroso pon en marcha esta iniciativa para dar a coñecer o Camiño Inglés, unha ruta que está impulsando desde hai anos. As persoas que fagan o camiño, recibirán ao chegar a Santiago un agasallo do Concello de Oroso.

Etapas

As etapas previstas son as seguintes:
-Sábado 24 de novembro: Ferrol-Neda.
-Domingo 25 de novembro: Neda-Pontedeume.
-Sábado 1 de decembro: Pontedeume-Betanzos.
-Domingo 2 de decembro: Betanzos-Bruma.
-Sábado 15 de decembro: Bruma-Sigüeiro.
-Domingo 16 de decembro: Sigüeiro-Santiago.

Inscricións

O prazo para inscribirse comeza este luns, día 12 de novembro. Todas aquelas persoas que desexen realizar algunha ou todas as etapas deberá cubrir o impreso de solicitude e entregala no departamento de turismo a través do seu email turismo@oroso.gal, no teléfono 981 690 903 ou no Centro de Estudo e Investigación sobre o Camiño Inglés (Ceici) que o Concello de Oroso ten no centro cultural.

Descargar solicitude de inscrición
Taxa pagamento da actividade

deseña ASINFO