O Concello de Oroso organiza un Curso de coidado persoal.
O Concello de Oroso organiza un curso de coidado persoal, que terá lugar todos os martes do mes de xuño, en horario de 19:00 a 21:00 horas, no Centro Cultural Fernando Casas e Novoa de Sigüeiro. O curso, de oito horas de duración, conta cun total de quince prazas, que serán adxudicadas por rigorosa orde de inscrición.
O prazo para anotarse estará aberto ata o 23 de maio. O prezo de inscrición é de 25 euros para empadroados e de 40 euros para non empadroados. O único requisito para participar nesta actividade é ser maior de dezaseis anos.