Os alumnos e alumnas da Escola de Música Municipal de Oroso ofrecen un recital de clausura do seu primeiro curso.
Terá lugar o venres 6 de xuño, ás 19:30 horas, no salón de actos do CEIP de Sigüeiro.
O alcalde de Oroso, Manuel Mirás, e o concelleiro de Cultura, Eduardo Veiras, presidirán o venres 6 de xuño o festival de clausura do curso 2007-8 da Escola de Música Municipal “José Verea”. Un festival no que participarán o medio cento de alumnos e alumnas deste centro e que terá lugar no salón de actos do CEIP de Sigüeiro, lugar onde habitualmente se imparten as clases, a partir das 19:30 horas.
Os alumnos e alumnas amosarán as habilidades e coñecementos adquiridos durante o transcurso do período lectivo, tanto nas clases de linguaxe musical coma nas de instrumento (frauta traveseira, clarinete, saxofón, piano e guitarra). Ao remate das actuacións, procederase á entrega dos alumnos e alumnas que participaron neste primeiro curso da Escola de Música Municipal “José Verea”.