Os rapaces de terceiro de primaria do CEIP de Sigüeiro visitarán Sogama o vindeiro 5 de xuño.
Os rapaces coñecerán o proceso de xestión dos residuos urbanos que se leva a cabo no complexo medioambiental de Cerceda.
Os rapaces e rapazas de terceiro curso de primaria do CEIP Sigüeiro visitarán o vindeiro xoves 5 de xuño as instalacións de Sogama (Cerceda). Unha visita que está enmarcada dentro das xornadas de portas abertas organizadas por Sogama para os veciños e veciñas dos municipios limítrofes ao complexo medioambiental de Cerceda.
Os pequenos e pequenas, de oito anos de idade, verán por si mesmos o proceso de xestión e tratamento dos residuos urbanos que se leva a cabo nas instalacións de Sogama. Ademais, coñecerán outros novos proxectos nos que Sogama está a traballar nos campos da xestión ambiental, as enerxías renovables e o desenvolvemento sostible. Os rapaces sairán do colexio de Sigüeiro nun autobús financiado por Sogama e realizarán un percorrido de catro horas de duración polo complexo medioambiental cercedense.