Ordenanza reguladora da organización e funcionamento da escola infantil do Concello de Oroso.

CAPITULO I.- OBXECTO E ÁMBITO DE APLICACIÓN E BENEFICIARIOS DO SERVIZO

ARTIGO 1 -OBXECTO

O presente regulamento ten por obxecto establece-las normas pola que se rexe a organización e funcionamento da escola infantil Municipal do Concello da Oroso, así como o procedemento de adxudicación de prazas en materia de solicitudes de novo ingreso, renovación de prazas e cobertura de baixas ó longo do curso.

ARTIGO 2 -ÁMBITO DE APLICACIÓN

Constitúe o ámbito de aplicación do presente regulamento a escola infantil municipal do Concello de Oroso que se configura como equipamento diúrno dirixido á poboación infantil de 0 a 3 anos.

ARTIGO 3 -FUNCIÓN

A Escola infantil municipal, que constitúe un servicio público educativo para a primeira infancia, cumpre unha función eminentemente social e educativa, proporcionando ós seus usuarios unha atención integral sen distinción de raza, sexo ou condición social, a través dun programa global que garanta o pleno desenvolvemento físico, intelectual, afectivo, social e moral dos nenos.

A Escola infantil cooperará estreitamente cos pais, titores ou representantes legais co fin de facilita-la conciliación da vida familiar e laboral e consegui-la mellor integración entre o centro e as familias.

ARTIGO 4-OBXECTIVOS.

Son obxectivos específicos da Escola infantil Municipal:

- Promover e fomenta-lo desenvolvemento integral dos nenos e a aprendizaxe das habilidades cognitivas, sociais e creativas do neno.

- Fomenta-lo coñecemento doutras culturas e etnias tendo coma último obxectivo a tolerancia.

- Facilita-la conciliación entre a vida familiar e laboral.

- Facilita-lo desenvolvemento de valores individuais e sociais básicos: cooperación, solidariedade, respecto, etc.

- Lograr un equilibrio afectivo satisfactorio.

- Respecta-la singularidade e diversidade de cada neno.

- Posibilita-la integración progresiva dos nenos na cultura do seu medio.

- Crear un ambiente que favoreza o desenvolvemento individual e grupal nas actitudes e nas actividades diarias.

- Facilita-la adquisición progresiva de hábitos de orde e limpeza e conservación dos materiais, facendo uso axeitado destes.

- Facilita-la integración dos nenos con necesidade educativas especiais.

- Estes obxectivos deberán ser desenvolvidos no proxecto educativo que elaborará a Escola infantil Municipal .

ARTIGO 5.- RÉXIME DO SILENZO ADMINISTRATIVO.

1-O prazo xeral para resolve-los pedimentos dos interesados establecidos neste Regulamento será de tres meses, agás que de xeito expreso se estableza un prazo diferente.

2- Así mesmo, como regra xeral, a falta de notificación da resolución adoptada dentro do prazo establecido terá carácter desestimatorio para os interesados.

ARTIGO 6.- BENEFICIARIOS DO SERVIZO.

1.- Son usuarios do servicio público que o Concello de Oroso presta na escola infantil municipal as persoas que se atopen na seguinte situación:

A) Os nenos e nenas matriculados no centro por cumprires os seguintes requisitos:

1. Ter a condición de veciño do concello de Oroso.

2. Cumprir os requisitos de idade e as condicións económicas e sociofamiliares que se contemplan no presente regulamento.

B) Aquelas persoas que exerzan a patria potestade, tutela ou teñan en acollida ós usuarios contemplados no parágrafo anterior, que igualmente deberán ter a condición de veciños do Concello de Oroso, salvo circunstancias excepcionais coma emigración, violencia de xénero o calquera outras acreditadas mediante informe social do departamento de servicios sociais do concello. Dado que os menores destinatarios do servicio non teñen capacidade legal de obrar, se considerarán representantes legais dos mesmos a tódolos efectos. Salvo proba expresa en contra, presumirase que calquera dos pais actúa co consentimento do outro.

2.- Para poder te-la condición de beneficiario do servicio público os interesados deberán acredita-los requisitos dos que se deriva aquela condición na data de remate do prazo de presentación da solicitude de novo ingreso ou de renovación. A condición de beneficiario hase manter en todo momento para poder recibi-la prestación do servicio público, coa excepción prevista no apartado 3 deste artigo.

3.- A modificación das circunstancias económicas, sociais ou familiares que conlevaran a concesión de praza por causas sobrevidas á presentación da solicitude de concesión de praza ou renovación , non será causa da perda da praza concedida para o curso ó que se refire a solicitude, salvo a condición de veciño, que deberá manterse durante tódala utilización do servicio, excepto as circunstancias excepcionais sinaladas no parágrafo 1 B) deste artigo, todo elo sen prexuízo do disposto no artigo 18 1.h) sobre causas de baixa.

ARTIGO 7.- REQUISITOS DE IDADE DOS SOLICITANTES.

1.- Poderán solicita-la concesión dunha praza na escola infantil municipal os pais, nais ou representantes legais dos nenos e nenas que cumpran os seguintes requisitos:

- Idade mínima: Ter cumpridos os tres meses na data de incorporación ó centro, salvo situacións especiais (previo informe social dos servicios sociais).

- Idade máxima: Non ter cumpridos os tres anos de idade ó 31 de decembro do ano que se solicita praza. Os nenos poderán ser usuarios do servicio ata o momento da incorporación á Educación Infantil do segundo ciclo.

2.- No momento do seu ingreso, abriráselles un expediente persoal no que constarán, con carácter confidencial, os datos de filiación, sanitarios, enderezo e teléfono para avisos en casos de urxencias, así como cantas circunstancias aconsellen unha atención diferenciadas.

CAPITULO II.- ADMISIÓN, PERMANENCIA E BAIXA DOS ALUMNOS

ARTIGO 8.- SOLICITUDES E ADXUDICACIÓN DE PRAZAS

1.- Os prazos ordinarios que se establecen para a solicitude e adxudicación de prazas na EIM para o curso escolar seguinte, excepto para o nivel de 0-1 anos, son os seguintes:

Renovación de praza	1 ó 9 de marzo
Oferta de prazas para nova ocupación	Do 10 ó 14 de marzo
Solicitudes novo ingreso	20 días naturais a partires da oferta
Publicación de lista provisional	Do 1 ó 15 de abril
Publicación lista definitiva	1ª semana de xuño
Formalización de matrícula	Ata 31 de xuño

2.- Os prazos ordinarios que se establecen para a solicitude e adxudicación de prazas na EIM para o curso escolar seguinte, para o nivel de 0-1 anos, son os seguintes:

Oferta de prazas para nova ocupación	Do 10 ó 14 de marzo
Solicitudes novo ingreso	15 marzo ó 31 de maio
Publicación de lista provisional	Do 1 ó 9 xuño
Publicación lista definitiva	1ª semana de xullo
Formalización de matrícula	Ata 31 de xullo

3.- As solicitudes para acceder ós servicios que se prestan na Escola Infantil Municipal formalizaranse por escrito a través do modelo oficial que para tal fin se pode recoller nas oficinas municipais ou na mesma Escola Infantil dirixido ó Sr. Alcalde-Presidente, xuntando a documentación sinalada no artigo 11 do presente regulamento, e presentado no Rexistro Xeral do concello, sen prexuízo de poder utilizar calquera dos medios sinalados no artigo 38.4 da lei 30/92.

4.- As notificacións ós interesados derivadas dos procedementos descritos no presente capítulo dos artigos oito a dezasete practicaranse exclusivamente a traveso de publicación de edictos no taboleiro de anuncios do concello e da escola infantil.

5.- As solicitudes presentadas tralo remate do prazo de presentación de solicitudes serán consideradas unicamente para os casos de convocatoria extraordinaria de prazas dentro do curso escolar, nos termos do artigo 17. En todo caso caducarán ó remate do curso, e non serán tidas en conta para o seguinte curso escolar.

ARTIGO 9.- RENOVACIÓN DE PRAZAS

1.- As familias con nenos e nenas xa matriculados na escola infantil municipal que desexen renova-las prazas que gozan no mesmo centro gozarán de reserva de praza e deberán cubri-la folla de reserva de praza no modelo que se aprobe, durante o prazo sinalado no artigo 8 do presente regulamento.

2.- Non poderán renovar praza aqueles que manteñan unha ou mais mensualidades impagadas de calquera curso no momento de formaliza-la solicitude e aqueles non empadroados, salvo acreditación das circunstancias extraordinarias sinaladas no artigo 6.

3.- No momento de pedi-la renovación da praza poderanse solicitar cambios nos servicios de comedor ou calquera outro que existise nese momento na Escola Infantil, así como no horarios dispoñibles.

4.- Os titulares de prazas renovadas de acordo cos apartados anteriores terán que actualiza-los seus datos económicos e sociofamiliares ós efectos de determina-lo o importe da tarifa correspondente, debendo xustificar documentalmente os seus ingresos económicos actualizados de acordo co disposto no apartado 3 C ) do artigo 11, así coma aqueles outras circunstancias sociofamiliares que sufrisen variacións respecto ó curso anterior.

ARTIGO 10. - SOLICITUDES DE NOVO INGRESO.

1.- Antes de que se abra o prazo de presentación de solicitudes de novo ingreso ó Alcalde-Presidente, aprobará a relación das prazas que quedan libres en cada un dos niveis e horarios, facéndoo público no taboleiro de anuncios da Escola Municipal e do concello.

2.- As solicitudes de novo ingreso faranse no modelo oficial aprobado de acordo co disposto neste Regulamento, que se facilitará na propia escola infantil municipal no prazo sinalado no artigo 8 do presente regulamento, achegándose a documentación que sinala o artigo seguinte.

ARTIGO 11.- DOCUMENTACIÓN XUSTIFICATIVA

1.- Ós efectos de valoración de solicitudes, por "unidade familiar" se entende a formada polos cónxuxes non separados legalmente e, no seu caso, os fillos, fillas, tutelados ou nenos en acollida, menores con excepción dos que, con consentimento dos pais, vivan independentes destes e os fillos maiores de idade e menores de 26 anos cunha discapacidade superior ao 33% e os incapacitados xudicialmente suxeitos á patria potestade prorrogada ou rehabilitada ou os así declarados pola administración competente.

Nos casos de separación legal ou cando non existise vínculo matrimonial, a unidade familiar estará formada polo pai, nai ou titor e tódolos fillos e fillas que convivan con un ou outro e reúnan os requisitos descritos no parágrafo anterior e, si é o caso, pola persoa que sexa parella de feito de calquera dos adultos a cargo dos menores.

A determinación dos membros da unidade familiar farase atendendo á situación existente a 31 de decembro de cada ano.

2.- O concello poderá pedir os solicitantes canta documentación sexa precisa cara a acreditar todas aquelas situacións que por baremo sexan susceptibles de puntuación.

3.- As solicitudes de novo ingreso deberán ir acompañadas da seguinte documentación orixinal ou copia compulsada:

A) O modelo de solicitude que teña aprobado o Concello debidamente cumprimentado.

B) Documentación xustificativa da situación sociofamiliar:

1. Libro de Familia onde apareza o alumno para o que se solicita o ingreso.

2. Fotocopias do documento Nacional de identidade ou pasaporte das persoas que exerzan a patria potestade ou titoría.

3. No caso de separación, divorcio ou nulidade matrimonial, acreditación de dita circunstancia, con expresión do réxime de exercicio da patria potestade do menor.

4. No caso de tutela, o certificado do Rexistro Civil no que conste o nomeamento do tutor ou sentencia xudicial.

C) Documentación xustificativa da situación económica:

1. INGRESOS DA UNIDADE FAMILIAR

a.) Certificados da Axencia Estatal de Administración Tributaria (AEAT) do nivel de renda correspondente o último exercicio con información tributaria dispoñible.

a. Alternativamente, o solicitante aportará autorización expresa ó concello mediante modelo aprobado para obte-los devanditos datos por medios telemáticos.

2. INFORME DOS SERVIZOS SOCIAIS

a.) Será preciso informe social dos servicios sociais do concello naqueles casos nos que, por distintas razóns non imputables ós usuarios, non se poidan acredita-las rendas.

b.) Cando, durante no curso escolar, se produzan circunstancias sobrevidas que afecten ós recursos da unidade familiar, será preciso un informe do traballador social do concello neste sentido.

3. DECLARACIÓN XURADA

Deberá presentarse declaración xurada de que a situación económica e laboral dos membros da unidade familiar segue sendo a mesma, no momento da solicitude de ingreso na Escola infantil Municipal que na data que consta no certificado de renda. Se a situación cambiou, deben acompañarse documentos que o acrediten a nova situación.

D) Outros documentos acreditativos de todas aquelas situacións que, por baremo sexan susceptibles de puntuación.

- Responsabilidades familiares.

- Certificado de invalidez o minusvalía da nai/pai, titor/titor legal e/ou outros membros da unidade familiar.

- Certificados ou informes médicos de enfermidades crónicas u outras afeccións alegadas polos membros da unidade familiar.

- Certificación de ser demandante de emprego, da nai/pai, ou titor legal.

- Condición de familia monoparental, entendida como a formada pola nai ou pai solteira/o que non manteñan relación de convivencia ou situacións de separación, divorcio o viudedade.

- Ausencia del hogar familiar de ambos membros parentais.

- Título de familia numerosa.

- No caso de mulleres víctimas de violencia de xénero acreditarase coa orden de protección xudicial a favor da víctima dictada en resolución xudicial, informe do Ministerio Fiscal ou informe dos servicios sociais correspondentes o do centro de acollida.

- De carecer de acreditación documental de algunha das incidencias alegadas, poderase presentar informe dos servicios sociais do concello.

E) Aqueles outros que se fixen na convocatoria das prazas, e que garden relación coa admisión dos nenos e nenas.

ARTIGO 12. - BAREMO DE ADMISIÓN

1.- A selección das solicitudes efectuarase en función da puntuación acadada segundo o baremo recollido na Orde de 25 de abril de 2006 da Vicepresidencia de Igualdade e Benestar ou normativa autonómica que a poida substituír, mediante o que se avaliarán os factores sociofamiliares, laborais e económicos da unidade familiar. A falta dun baremo da Xunta de Galicia, corresponderá a súa aprobación á Xunta de Goberno Local.

2.- No caso de igualdade na puntuación obtida, terase en conta en primeiro lugar a renda per cápita mais baixa, e en segundo a suma maior dos criterios sociofamiliares, e, en último lugar, a data de entrada da solicitude. De persisti-lo empate, será mediante sorteo.

ARTIGO 13.- RELACIÓN PROVISIONAL DE ADMITIDOS E EXCLUIDOS NO PROCESO DE BAREMACIÓN

1.- A Comisión de baremación, unha vez finalizado o prazo de presentación de solicitudes tanto de renovación de prazas coma de novo ingreso, examinará as solicitudes e a documentación aportada e proporá a aprobación da lista provisional ó Sr Alcalde. O Sr Alcalde aprobará a relación provisional de admitidos e excluídos no proceso de baremación na que se enumerarán os admitidos e no seu caso excluídos por non aportares a documentación requirida no artigo 11.3 A), B) e C) ou non cumprir algún requisito.

2.- A publicación da relación provisional implicará o requirimento ós afectados para que corrixan as deficiencias observadas e presenten os documentos necesarios no prazo máximo de dez (10) días hábiles, podendo presentar igualmente as alegacións que estimen oportunas. Cando o último día do prazo concedido para a corrección das deficiencias coincidira en sábado, rematará o primeiro día hábil seguinte.

3.- Respecto a documentación referida no artigo 11.3 A), B) e C), na publicación advertiráselles de que se non atendesen ó requirimento dentro do prazo indicado, teráselles por desistidos da súa petición, logo de resolución en tal sentido que se incorporará na aprobación da lista definitiva. No caso da documentación relacionada no artigo 11.3 D) e E) advertirase que a non subsanación das deficiencias en prazo implicará a non baremación das circunstancias derivadas das mesmas.

ARTIGO 14.- RELACIÓN DEFINITIVA DE ADMITIDOS E NON ADMITIDOS E LISTAXE DE ESPERA COMÚN.

1.- A Comisión de Baremación examinará as reclamacións e documentación aportadas polos interesados e proporá ó Alcalde-Presidente a aprobación da relación definitiva de admitidos e non admitidos, coa puntuación obtida por aplicación do baremo en cada caso polos solicitantes admitidos con praza, de maior a menor.

2.- A citada relación conterá tamén unha listaxe dos solicitantes ós que se considera desistidos da súa solicitude, por non aporta-la documentación requirida conforme ó artigo 11.3 A), B) e C), por non corrixi-los erros da solicitude, ou por non cumprir algún requisito.

3.- Xunto coa relación de admitidos e non admitidos publicarase unha listaxe de espera común para a escola infantil municipal, integrada por aqueles solicitantes admitidos no proceso de baremación que non obtivesen praza ordenados segundo a puntuación obtida por aplicación do baremo, para cada un dos niveis e quendas.

4.- Si terminado o proceso de baremación existisen bacantes poderá procederse á consideración de solicitudes de non empadroados.

ARTIGO 15.- MATRÍCULA

1- Os representantes legais dos nenos admitidos deberán achegar no prazo de matrícula establecido no artigo 8 do presente regulamento a documentación complementaria seguinte:

a) Certificado médico do neno ou nena.

b) Carné de vacinación actualizado.

c) Fotocopia da cartilla da Seguridade Social ou documento equivalente.

d) Dúas fotografías tamaño carné.

e) Impreso de domiciliación bancaria.

f) Autorización segundo modelo oficial ó concello para que mediante medios telemáticos poida recadar datos tributarios á Axencia Tributaria relativos ó nivel de renda.

g) Autorización por escrito (dos pais, titores ou representantes legais) das persoas que poden recolle-lo neno.

h) Un xustificante da actividade dos pais,nais ou representantes legais, no caso de que se solicite a estancia do neno na escola infantil por máis de oito (08) horas.

2.- No caso de que a citada documentación non se presente a Comisión de baremación proporá a súa baixa, que será acordada polo Alcalde, agás que a non presentación derive dunha causa xustificada.

ARTIGO 16.- SOLICITANTES INCLÚIDOS NA LISTA DE ESPERA COMÚN

1.- As baixas que se vaian producindo ó longo do curso serán cubertas por rigoroso orde de puntuación entre os solicitantes en lista de espera común. No caso de que o solicitante renuncie á praza ou non formalice a matrícula no prazo de 7 días hábiles, pasará a ocupa-lo último lugar da lista, pasando o chamamento o seguinte da lista.

2.- Os pais ou representantes legais dos menores poderán solicitar o cambio de horario na lista de espera, ocupando neste caso o último posto da correspondente lista.

3.- As listas de espera caducarán en todo caso ó remate do curso escolar.

ARTIGO 17.- VACANTES NON CUBERTAS POLA LISTA DE ESPERA

1.- Producidas vacantes na escola que non se cubrisen por esgotamento da lista de espera común e no seu caso por outros usuarios que desexasen cambiar de horario, poderase abrir un novo proceso extraordinario de presentación de solicitudes de novo ingreso e baremación, de acordo co seguinte procedemento:

- A proposta da Dirección da Escola Infantil, decreto de Alcaldía abrindo o proceso e establecendo o número de vacantes, que será publicado no taboleiro de anuncios do concello e da escola infantil.

- Apertura de prazo de 5 días hábiles para presentación de solicitudes, a contar dende a publicación.

- Aprobación da lista provisional de admitidos e excluidos no proceso de baremación de acordo co artigo 13 do presente regulamento no prazo de 5 días hábiles. Neste caso poderán admitirse no proceso a usuarios non empadroados.

- Aprobación da lista definitiva de admitidos e non admitidos de acordo co artigo 14 do presente regulamento no prazo de 5 días hábiles dende o remate do prazo de subsanación de deficiencias e apertura de prazo de matrícula de 10 días hábiles de acordo co artigo 15 do regulamento. Os usuarios empadroados terán en todo caso preferencia sobre os non empadroados.

2.- Se aberto o prazo de novas solicitudes non se presentase ningunha no prazo sinalado anteriormente, a convocatoria entenderase aberta con carácter indefinido ata a presentación de solicitudes que cubran o número de prazas vacantes, podéndose proceder á baremación e adxudicación de prazas a medida que se van presentando as solicitudes.

3.- Non obstante o anterior, cando o curso escolar estivese avanzado e pola duración do proceso descrito se previse pola dirección do centro que a súa resolución sería posterior ou cercana a terminación do curso escolar, poderase deixar as vacantes non cubertas ata o remate do curso escolar.

ARTIGO 18.- CAUSAS DE BAIXA

1.- Causarase baixa na escola infantil municipal por algunha das causas seguintes:

a.) Por cumprimento da idade máxima regulamentaria.

b.) Por solicitude dos pais,nais ou representantes legais, que se presentará segundo o modelo aprobado de acordo co establecido neste regulamento.

c.) Por incompatibilidade ou inadaptación absoluta do neno/a para permanecer no centro.

d.) Falta de asistencia ó centro ou non uso dos servicios durante 15 días lectivos continuados ou 30 días alternos sin previo aviso nin causa xustificada. En todo caso, as ausencias xustificadas non poderán ser superiores a 2 meses, polo que, transcorrido dito prazo darase baixa definitiva.

e.) Impago inxustificado de unha cota mensual, total ou parcialmente.

f.) Perda da condición de veciño de Oroso do neno/a ou de algún membro da unidade familiar que ostente o exercicio da patria potestade ou tutela dos menores, salvo os casos excepcionais expostos no artigo 6.

g.) Cando non se entregue documentación para a revisión e/ou clarificación de datos nos prazos establecidos ó efecto, previo requirimento expreso pola entidade municipal.

h.) A comprobación da inexactitude ou falsidade de declaracións ou datos relevantes en relación coa solicitude de ingreso ou establecemento do prezo público pola prestación do servicio de Escola Infantil, que provoque que outros solicitantes teñan maior puntuación no baremo.

2.- As baixas, excepto nos supostos a) e b) que serán tramitadas automaticamente, serán resoltas polo Alcalde a proposta da Dirección da escola infantil e co previo informe da Comisión de baremación, previa audiencia do interesado.

3.- Cando se acorde a baixa dun alumno pola causa descrita na letra h) deste artigo, os responsables estarán obrigados a aboa-la diferencia entre o importe da matrícula que viñan pagando e o que lle correspondería de non térselle aplicado as circunstancias que se tiveran alegado ou ocultado.

ARTIGO 19.- PRAZAS RESERVADAS PARA SERVICIOS SOCIAIS

1.- O réxime de admisión descrito no presente capítulo non será de aplicación as prazas reservadas para servicios sociais que se regularán polo establecido no presente artigo.

2.- Quedan reservadas tres (3) prazas da escola infantil municipal, unha para cada nivel educativo, para alumnos en situación de emerxencia social.

3.- A adxudicación das prazas e as baixas acordaranse por Decreto de Alcaldía, previo informe social favorable do departamento de Servicios Sociais do Concello de Oroso e audiencia dos interesados, acreditadas as causas de emerxencia, ou no caso das baixas o seu cesamento, ademais das contempladas no artigo 18.

CAPÍTULO III.- SAÍDAS DOS NENOS, HORARIO, CALENDARIO, SERVIZOS DE COMEDOR E TRANPORTE E RELACIÓN COS PAIS, NAIS OU TITORES.

ARTIGO 20.- SAÍDAS DOS ALUMNOS DOS CENTROS

1- Os pais, nais ou titores de cada neno e nena deberán especifica-la persoa ou persoas autorizadas para recoller ó menor do centro.

2- Para estes efectos, o pai, nai ou titor do neno cubrirá o modelo de autorización aprobado polo Concello, que se facilitará na escola infantil , ó que deberán xuntar unha copia do documento que acredite a identidade da persoa ou persoas autorizadas.

3- Esta autorización estará vixente mentres non sexa expresamente revocada por escrito pola persoa que a asinou, ou por sentencia xudicial ou resolución administrativa. Non se admitirán nin autorizacións nin revogacións verbais.

4- Os pais, nais ou titores do menor teñen a obriga de comunicar ó centro calquera cambio na situación de custodia do menor. Estes cambios deberán acreditarse mediante a sentencia xudicial ou o documento que acredite a situación correspondente.

5- Non se autorizará a saída do neno ou nena do centro con persoas que non estean autorizadas polo pai ou nai, ou polo titor ou titora segundo o establecido nos apartados anteriores, exceptuándose o persoal da escola infantil municipal nos casos de forza maior. En previsión destas circunstancias extraordinarias, os pais , nais ou representantes legais dos nenos autorizarán por escrito ó persoal das escolas infantís municipais para que poidan acompañar ó neno fora do centro escolar.

6- No caso de enfermidade ou accidente sobrevido no centro, despois das primeiras atencións in situ, e á maior brevidade posible porase a citada circunstancia en coñecemento dos pais, nais ou representantes legais do menor e procurarase que este teña a atención médica axeitada.

ARTIGO 21.- CALENDARIO ESCOLAR

1- A escola infantil municipal prestará diariamente o servicio cinco días á semana, de luns a venres, durante todo o ano, agás os días sinalados como festivos no calendario laboral.

2- O calendario escolar aprobarase cada ano polo Alcalde, a proposta da Comisión Educativa. O calendario estará exposto no taboleiro de anuncios da escola infantil municipal.Senón se fixase prazo, supletoriamente, enténdense que abarca dende o día 1 de Setembro de cada ano ata o día 31 de agosto do ano seguinte.

ARTIGO 22.- HORARIO DA ESCOLA INFANTIL MUNICIPAL

1- A escola infantil municipal prestará o servizo dende as sete e media (7:30 horas) da mañá ata as oito e media (20:30 horas) do xeran. Este horario é ininterrompido.

2.- Os horarios de asistencia ó centro estructúranse do seguinte xeito:

* Horario de mañá de 7:30 horas a 15:30 horas.

* Horario de tarde: de 15:30 horas a 20:30 horas.

* Horario partido ou xornada continua: como medida de apoio á familia, poderase utilizar a escola infantil en horarios que comprendan parte dos horarios definidos anteriormente, co máximo de horas establecido no punto 6.

En cumprimento dos obxectivos e para a optimización dos servicio público de Escola Infantil, a concesión destas prazas queda supeditada á existencia de vacantes de prazas en calquera dos horarios de mañá ou tarde.

Os/as nenos/as deberán optar por unha das alternativa.

3.- O horario máximo de permanencia dos nenos e das nenas nos centros será, con carácter xeral, de oito (08) horas diarias, agás de causas excepcionais que deberán quedar xustificadas polos pais e nais ou representantes legais. Neste caso o Alcalde poderá autorizar unha estancia do menor por tempo superior ata un máximo de dez (10) horas, cando se considere que esta medida redunda no seu interese, previo informe favorable da Comisión de baremación e sempre que exista dispoñibilidade de prazas.

4.- Os pais, nais ou representantes legais dos menores deberán respecta-los horarios establecidos nos centros.

ARTIGO 23.- CAMBIO DE HORARIO CONCEDIDO.

1.- No caso de querer cambiar o horario inicialmente concedido, deberá acreditarse documentalmente a necesidade. En todo caso, a concesión supedítase a existencia de prazas vacantes no novo horario solicitado.

2.- A concesión do cambio supeditarase a que o novo horario teña unha vixencia mínima de 6 meses.

ARTIGO 24.- HORARIO DE VISITAS DOS PAIS, NAIS OU TITORES.

Os pais, titores ou representantes legais dos nenos poderán solicitar ser recibidos de conformidade co horario establecido pola dirección para tal fin, logo de ser oída a proposta da Comisión Educativa, sempre e cando non dificulte a boa marcha do centro.

ARTIGO 25.- SERVICIO DE COMEDOR.

1- A escola infantil municipal prestará o servicio de comedor diariamente no local habilitado ó efecto, que inclúe o xantar.

2- O servicio de comedor deberá ser prestado polo persoal propio do centro ou contratado para tal fin, nos horarios ou quendas establecidos pola escola.

3- O menú de cada xornada estará exposto no taboleiro de anuncios cun prazo dunha semana da antelación.

4- Periodicamente entregarase ós pais, nais ou titores a relación dos menús.

5.- Os pais terán dereito a traer a comida para o almorzo e a merenda dos menores, que será distribuída no seu momento baixo a supervisión dos coidadores.

ARTIGO 26.- RELACIÓN COS PAÍS, TITORES OU REPRESENTANTES LEGAIS.

1- Trala consulta co equipo técnico da escola infantil municipal a dirección poñerá en coñecemento dos pais, titores ou representantes legais de cada neno información sobre a súa evolución integral, que terá carácter trimestral.

2.- Os pais, titores ou representantes legais dos nenos poderán solicitar reunión co titor do seu fillo ou coa dirección de conformidade e o horario establecido para tal fin, ou cando ámbalas partes acorden, sempre e cando non dificulte a boa marcha da escola infantil municipal

3.- Realizaranse dúas reunións xerais coincidindo co inicio e co remate do curso, onde deberán estar presentes os país, titores ou representantes legais, así como o equipo educativo e a dirección do centro.

En todo caso, a dirección da escola infantil informará por escrito ó principio do curso dos horarios de atención ós pais, titores ou representantes legais dos nenos.

ARTIGO 27.- ORGANIZACIÓN DAS AULAS DO CENTRO

1.- A escola infantil queda organizada do seguinte xeito:

* Un aula para nenos/as de 0 a 1 anos.

* Unha aulas para nenos/as de 1-2 anos.

* Dúas aulas para nenos/as de 2-3 anos.

2.- O número de menores por aula máximo, persoal necesario así coma os equipamentos mínimos serán os establecidos pola lexislación autonómica na materia.

3.- O Alcalde-Presidente poderá variar a distribución de aulas entre os distintos niveis de idade segundo a demanda existente en cada momento, previo informe da Comisión educativa.

CAPÍTULO IV NORMAS DE SAÚDE, HIXIENE E NUTRICIÓN.

ARTIGO 28.- NORMAS RELATIVAS Á SÁUDE E HIXIENE DOS NENOS.

1.- Os nenos deberán acudir á escola infantil en condicións correctas de saúde e hixiene.

2.- Non serán admitidos na escola infantil os nenos que padezan enfermidades infecto-contaxiosas ou se atopen en condicións deficientes de hixiene. A aparición destas enfermidades deberá ser comunicada polos pais, titores ou representantes legais á dirección do centro. No caso de observarse síntomas dun proceso infecto-contaxioso nos nenos na propia escola infantil, informarase á dirección desta, e avisaranse ós seus pais, representantes legais ou titores, co fin de evita-la propagación da enfermidade entre os demais nenos. O reingreso no centro só será posible logo de transcorrido o período de contaxio e tralo informe médico que acredite tal circunstancia.

3.- No caso de enfermidade ou accidente sobrevido na escola infantil, despois das primeiras atencións "in situ" e, á maior brevidade posible, poñerase dita circunstancia en coñecemento dos pais, titores ou representantes legais do neno e, se é o caso, garantirase que o neno reciba a atención médica axeitada, estando facultada a dirección do centro para autorizar nestes casos os desprazamentos necesarios para tal fin.

4.- Cando se produza a falla de asistencia á escola infantil por un período superior a 3 días, debido a enfermidade ou outras circunstancias, os pais, titores ou representantes legais deberán comunicar este feito á dirección do centro.

5.- Nos casos nos que se deban administrar medicinas ós nenos, deberán ir acompañadas das receitas médicas actualizas, nas que constará o nome do neno, o nome do medicamento e como debe administrarse así como a periodicidade. Non se lles administrará ningunha medicación que non veña acompañada da devandita receita e a correspondente autorización por escrito dos pais,nais ou titores ou representantes legais.

6.- Tódolos nenos e nenas que usen cueiros deberán traer un paquete e un bote de toalliñas, que deberá repoñerse cando sexa preciso. Serán cambiados na medida que o precisen.

Os nenos terán sempre unha muda completa de reposto.

Tódolos nenos que anden deberán traer un mandilón,unha toalla e un vaso.

7.- Os nenos deberan ir ó colexio con roupa que lles permita moverse con comodidade evitando, en todo caso, obxectos perigosos como cadeas , pulseiras ou , nos casos dos bebés pendentes.

ARTIGO 29.- NORMAS RELATIVAS Á HIXIENE DO CENTRO DA ESCOLA INFANTIL MUNICIPAL.

A escola infantil municipal, deberá manterse, en todo momento, en perfectas condicións hixiénico sanitarias, debendo cumpri-la normativa sobre esta materia.

ARTIGO 30.- NORMAS RELATIVAS Á NUTRICIÓN.

1.- A escola infantil publicará no taboleiro de anuncios e facilitará ós pais unha relación quincenal dos menús previstos, os cales proporcionarán unha dieta san, equilibrada e axeitada para os distintos grupos de idade elaborado por especialistas en nutrición infantil.

2.- A escola infantil prestará un especial coidado en atende-los casos nos que o nenos, en razón das súas circunstancias persoais, deba recibir alimentos de forma ou en horarios específicos, sen prexuízo de que estes deban ser facilitados pola familia. Deberá ser presentado o correspondente informe pediátrico.

CAPÍTULO V.- PROMOCIÓN DA INTEGRACIÓN

ARTIGO 31.- PROMOCIÓN DA INTEGRACIÓN

A escola infantil promoverá, a integración dos nenos con necesidades educativas especiais, sempre e cando conte cos recursos materiais e humanos necesarios. Nestes casos requirirase o informe previo dos servizos sociais do concello, ou técnicos cualificados, indicando o grao de discapacidade e a súa necesidade de integración.

Poderán integrarse os nenos e nenas con discapacidade físicas, psíquicas, ou sensoriais. O ingreso destes estará supeditado a existencia de condicións infraestructurais idóneas e de persoal axeitado e suficiente no cadro de persoal do centro. En ningún caso poderá haber máis dun neno ou nena de integración por aula.

A efectos de ratio, estas prazas contabilizaranse por duplicado.

CAPÍTULO VI.- DEREITOS E DEBERES DOS USUARIOS.

ARTIGO 32.- DEREITOS DOS USUARIOS

1- Acceder ó centro e recibir asistencia sen discriminación por razón de nacionalidade, sexo, raza, relixión, ideoloxía ou calquera outra condición ou circunstancia persoal ou social, xa sexa de nenos, nenas ou adultos.

2- A que os nenos reciban unha formación que asegure o pleno desenvolvemento da súa personalidade.

3- A que os nenos reciban unha formación integral nas dúas linguas oficiais do estado, na medida do posible. Sen prexuízo disto, tratarase de potenciar o uso da lingua galega, pero sempre respectando o dereito dos pais a elixir a lingua con que pretende que se forme os seus fillos.

4- A que se respecte a integridade e dignidade persoal dos nenos.

5- Sixilo profesional acerca dos datos ou historia social, sanitaria ou escolar.

6- A que os nenos realicen as saídas velando pola súa seguridade, sempre e cando vaian acompañados dos adultos responsables do seu entorno familiar, ou en todo caso con autorización escrita por parte dos pais, nais ou representantes legais.

7- Á intimidade persoal en función das condicións estructurais do centro.

8- A que se lle facilite o acceso á atención social, sanitaria, educación, cultural e, en xeral a tódalas necesidades persoais que sexan precisas para consegui-lo seu desenvolvemento integral.

9- A recibir un tratamento individualizado de contido educativo cara á súa integración socio familiar, que terá como obxectivos prioritarios a súa protección, educación e formación.

10- A asociárense co obxecto de favorece-la súa participación na programación e no desenvolvemento de actividades do centro.

11- A seren informados de xeito comprensible tanto das medidas adoptadas respecto deles como do desenvolvemento diario do neno, e a pediren explicación de canto afecte á súa propia educación.

12- A ser educados para a comprensión, tolerancia e convivencia democrática, posibilitándolles que poidan facer uso das súas opcións de forma libre e persoal.

13- A participación dos pais/ nais/ titores nas actividades educativas como: festas escolares, (magostos, nadal, entroido,...), contacontos, axudas na preparación de materiais para o traballo dos nenos.

ARTIGO 33.- DEBERES DOS USUARIOS

1- Aboa-las mensualidades nos prazos e forma que se establecen na ordenanza do prezo público municipal.

2- Cumpri-las normas que estableza o centro para o seu bo funcionamento.

3- Colaborar na realización de determinadas tarefas que, sen supoñer un risco para a súa saúde, sirvan para mellora-la súa autonomía persoal e participar activamente e de xeito responsable nas actividades educativas , ocupacionais , culturais e recreativas programadas polo centro.

4- Manter unha actitude de respecto e consideración con todo o persoal que traballa no centro e cos demais usuarios.

5- Observar unha actitude dilixente na utilización das dependencias, materiais e obxectos do centro.

6- Colaborar co persoal do centro e cos demais usuarios nas actividades e respectar a súa dignidade persoal.

7- Comunicar calquera tipo de problema ou peculiaridade sanitaria específica que poida afectar ou repercutir no rendemento do centro ou na saúde dos demais usuarios.

8 - Indemnizar calquera clase de danos provocado á Escola Infantil, os demais usuarios ou o persoal da mesma.

9 - Á asegurar a asistencia dos nenos/as durante o horario concedido de forma continuada no curso escolar, ata a finalización do mesmo ou causar baixa no centro, excepto nos casos sinalados no artigo seguinte.

ARTIGO 34.- EXCEPCIÓNS DO DEBER DE ASISTENCIA Ó CENTRO

Os nenos/as matriculados na escola deberán asistir ó centro de maneira continuada ata a finalización do curso escolar.

O devandito deber só cesará por algunhas das seguintes causas:

a) Formalización da baixa voluntaria no centro, que deberá facerse por escrito no modelo aprobado.

b) Declaración de baixa por parte do concello, por algunha das causas sinaladas no artigo 18 do regulamento.

c) Un mes de vacacións durante o curso escolar. Para o seu disfrute deberá avisarse á Dirección do centro por escrito, con anterioridade en todo caso ó seu comezo.

d) Peche do centro por causas sobrevidas.

e) Suspensión temporal de asistencia ó centro. A suspensión temporal poderá ser solicitada polos representantes legais dos nenos, e só será concedida por causas excepcionais, familiares ou laborais, que impidan de xeito continuado a asistencia. A duración máxima concedida será de dous meses, improrrogables. A concesión corresponde ó Alcalde-Presidente previo informe da Comisión de Baremación.

ARTIGO 35.- LIBRO DE RECLAMACIÓNS.

A escola infantil municipal terá un libro de reclamacións á disposición dos usuarios. A dirección do centro poñerá en coñecemento do Concello de Oroso o contido das reclamacións de xeito periódico, agás nos casos en que se requira unha comunicación inmediata.

CAPÍTULO VII .- DEREITOS E DEBERES DO PERSOAL

ARTIGO 36.- DEREITOS DO PERSOAL

1- Recibir información periódica da marcha e funcionamento do centro, a través do director/a responsable do mesmo.

2- Presentar propostas que contribúan á mellora-lo funcionamento do centro e atención prestada ós menores.

3- Desenvolve-las súas funcións educativas segundo o seu criterio persoal, sempre que se axusten á programación anual do centro.

4- A que se lle proporcione dentro das posibilidades do centro os instrumentos e medios necesarios para desenvolve-las súas funcións axeitadamente en beneficio dos menores atendidos.

ARTIGO 37.- DEBERES DO PERSOAL

1- Cumprir e facer cumprir de acordo coas súas funcións o regulamento de réxime interior.

2- Velar polo respecto ós dereitos dos menores recollidos no presente regulamento e aqueloutros recoñecidos na lexislación vixente.

3- Gardar estricta confidencialidade sobre os datos persoais dos menores ós que teñen acceso en razón das súas funcións.

4- O cumprimento das tarefas e responsabilidades derivadas do seu posto de traballo incluído o das normas técnico-sanitarias.

5- Acreditar o seu correcto estado de saúde e con periodicidade anual someterse a un recoñecemento médico que acredite que non padece enfermidade infecto-contaxiosa nin defecto físico ou psíquico que impide ou dificulte as súas funcións. Será preceptiva a vacinación do persoal contra a rubéola.

6- Todo o persoal de atención e coidado ós nenos deberá acreditar coñecementos básicos en primeiros auxilios.

7.- Comunicar ó departamento de servicios sociais de calquera situación susceptible de risco social ou calquera necesidade que poida derivar nunha intervención por parte do citado departamento.

CAPÍTULO VIII.- FOMENTO DA IGUALDADE DOS NENOS E NENAS.

ARTIGO 38.- FOMENTO DA IGUALDADE DOS NENOS E NENAS.

A escola infantil programará actividades para promove-la igualdade entre os nenos e as nenas para evita-los comportamentos e as actividades discriminatorias por razón de sexo raza ou crenza. Ditas actividades reflectiranse nos proxectos educativos e curriculares.

A escola infantil poñerá especial coidado en revisar aqueles materiais e ilustracións que se utilicen como instrumentos de traballo. Así mesmo vixiará que no uso da linguaxe se adopten expresións e formas non discriminatorias.

A escola infantil prestará especial atención ó fomento da interculturalidade como instrumento de superación das desigualdades, inxustizas, prexuízos e racismo.

CAPÍTULO IX ESTRUCTURA ORGÁNICA

ARTIGO 39.- ESTRUCTURA ORGÁNICA DO CENTRO

A escola infantil municipal obxecto deste regulamento disporá da seguinte estructura organizativa:

1- Director

2- Comisión de Baremación

3- Comisión Educativa

4- Persoal de atención directa ós nenos

5- Persoal de servizo.

ARTIGO 40.- O DIRECTOR DA ESCOLA INFANTIL MUNICIPAL

1- Designación:

a) Cando a prestación do servicio da escola infantil municipal a faga o Concello de Oroso por medio dunha xestión indirecta, o Director da escola infantil será designado pola empresa encargada da prestación do servicio de acordo co prego de condicións que rexa o contrato. A empresa comunicará ó Concello a designación da persoa que asumirá a dirección do centro de acordo co establecido no prego de condicións.

b) Cando a prestación do servizo sexa asumida polo Concello por medio dunha xestión directa, o Director da escola infantil municipal será elixido ou designado polo Concello.

2- Funcións:

O director é o responsable do centro, así como o responsable do seu correcto funcionamento. As súas funcións serán as seguintes:

1. É o representante da escola infantil municipal.

2. Responsabilizase da correcta xestión do centro.

3. Cumprir e facer cumpri-las disposicións legais vixentes, o presente regulamento, e cantas disposicións sexan de aplicación á escola infantil, tanto municipais, estatais, autonómicas, etc., ós usuarios coma ós propios traballadores, propoñendo á Alcaldía a imposición no seu caso de sancións.

4. Exerce-la xefatura de todo o persoal adscrito á escola, o que implica a ordenación do traballo a impartición de instruccións e a supervisión do persoal contratado. No caso de xestión directa esta facultade entenderase sen prexuízo da xefatura de persoal que corresponde á Alcaldía da Corporación.

5. Propoñer á comisión educativa o proxecto educativo do centro, que será elaborado polo director xunto co persoal de atención directa dos nenos.

6. Elaborar a memoria anual do centro que terá que entregar ó concello, na época que se fixe.

7. Elaborar memoria explicativa de gastos e ingresos, así como, rendición anual de contas.

8. Remitirlles ós órganos da Consellería e do Concello cantos informes e datos sexan requiridos relativos ós menores atendidos ou a aspectos organizativos e funcionais do centro.

9. No caso de xestión indirecta do servicio, efectuar cobros e autorizar pagos.

10. Autorizar actuacións extraordinarias para o normal desenvolvemento do Centro.

11. Convocar e presidir reunións, incluíndo a presidencia da Comisión de Baremación, así como executar e facer cumpri-los acordos adoptados nas mesmas.

12. Prestar atención personalizada ós usuarios tanto a través do desempeño da función educativa como directiva (a esta poderá asignar ata un máximo de tres horas diarias, en ningún caso cadrando cos momentos de maior afluencia de nenos).

13. Elaborar e manter o Inventario Xeral de bens e dereitos da Escola infantil.

14. Ordena-lo réxime administrativo da escola infantil.

15. E cantos outros deriven do posto que desempeñaba e todas aquelas funcións non atribuídas expresamente a outro órgano de goberno.

ARTIGO 41.- COMISIÓN DE BAREMACIÓN.

1- A Comisión de Baremación estará composta por:

1. O director/a do Centro, que ostentará a Presidencia.

2. O Concelleiro/a responsable de área.

3. Un técnico de servicios sociais, que ostentará a secretaría.

4. Un membro do equipo docente do centro.

2- As competencias da comisión son as seguintes:

1. Valora-las solicitudes de praza segundo o baremo.

2. Efectua-la proposta de aprobación inicial de admitidos e excluídos e a relación de solicitantes ós que se lles require documentación.

3. Propoñe-la relación definitiva de admitidos e non admitidos e a lista de espera común.

4. Determinar a asignación de cotas segundo a presente Ordenanza e aplicación da Ordenanza reguladora do Prezo Público.

5. Emitir un informe previo á resolución que proceda nos caso de reclamacións e baixas dos alumnos.

6. Propoñer solicitudes de novo ingreso ou baixas en xeral.

7. Interpretar o presente regulamento respecto ó réxime de concesión de prazas e baixas.

ARTIGO 42.- COMISIÓN EDUCATIVA DA ESCOLA INFANTIL MUNICIPAL

1- A Comisión Educativa estará composta por:

a.) O Alcalde ou Concelleiro en quen delegue, que ostentará a Presidencia.

b.) O Concelleiro de área de familia.

c.) O director da Escola infantil Municipal.

d.) Un educador do centro.

e.) Un representante de pais de alumnos.

f.) Un traballador social do concello que ostentará a secretaría.

2- Son competencias desta Comisión:

a.) Informa-lo proxecto educativo do Centro, proposto pola dirección, para que sexa aprobado polo Alcalde.

b.) Aproba-la programación anual do centro.

c.) Estudio e propostas de resolución dos conflictos de réxime interno.

d.) Aplicación do presente regulamento.

e.) Con carácter xeral o estudio, elaboración e proposta de calquera regulamento, norma, etc. necesarios para o bo funcionamento da Escola infantil.

f.) Informar o cambio de distribución de aulas para os distintos niveis de idade, así coma a implantación e modificación de servicios.

ARTIGO 43.- PERSOAL DE ATENCIÓN DIRECTA OS NENOS.

O persoal de atención directa ós nenos,deberá ter a titulación requirida segundo a normativa e tratar con esmero e respecto ós nenos, ademais de atendelos de acordo con este regulamento e demais normativa aplicable.

ARTIGO 44.- PERSOAL DE SERVIZOS

Este persoal seralle de aplicación a normativa propia de cada sector, debendo cumprir en todo momento as instruccións, e ordenes necesarias para o bo funcionamento do servicio.

CAPITULO X.- RÉXIME DE COBRAMENTO

ARTIGO 45.-

Estarase con carácter xeral ó establecido na Ordenanza reguladora do prezo público pola prestación deste servizo.

CAPITULO XI.- RÉXIME SANCIONADOR

ARTIGO 46.- PRESCRIPCIÓNS XERAIS

O incumprimento das regras establecidas do presente Regulamento por parte dos usuarios da escola infantil, xa sexa por neglixencia ou dolo, que incurran en algunhas das conductas tipificadas coma faltas será castigada coas sancións previstas no mesmo.

ARTIGO 47.- FALTAS

As faltas clasifícanse en leves, graves e moi graves.

1.- Serán faltas leves:

a) A falta de consideración ó persoal ou os demais usuarios.

b) Non traer roupa ni cueiros para o cambio dos menores, así como non devolve-la que se lle preste do Centro.

c) Non traer a comida ou a merenda cando así sexa necesario.

d) Non traer ós menores aseados e limpos.

e) Non respectar os horarios establecidos, tanto de entrada como de saída.

f) O retraso de abono da cota en cinco días naturais respecto o prazo de abono regulamentario.

g) Calquera incumprimento dos deberes dos usuarios non tipificado coma falta grave o moi grave.

2.- Serán faltas graves:

a) A grave falta de consideración ó persoal ou os demais usuarios.

b) A comisión da terceira falta leve durante o curso escolar.

c) Non informar das enfermidades susceptibles de contaxio que padeza o neno.

3.- Serán faltas moi graves:

a) Exercer violencia física con calquera persoa do Centro.

b) Formular coaccións ou ameazas con calquera persoa do Centro.

c) Falsear ou ocultar datos en relación co goce de calquera prestación ou servicio, que provoquen que o usuario tivera vantaxe á hora de acceder a praza ou disfrutase de tarifas inferiores as que lle correspondese segundo este regulamento e a ordenanza reguladora do prezo público.

d) A substracción de bens ou calquera obxecto do Centro, do persoal ou de outros usuarios.

e) A comisión dolosa de danos nas instalacións da Escola Infantil Municipal.

f) A comisión da segunda falta grave durante o curso escolar.

ARTIGO 48.- SANCIÓNS

As sancións aplicables polas infraccións deste Regulamento serán as seguintes:

1.- Sancións por falta leve:

Amoestación individual por escrito.

2.- Sancións por falta grave:

Suspensión dos dereitos de asistencia ó centro de quince días a un ano de duración.

3.- Sancións por falta moi grave:

Perda da condición de beneficiario da Escola Infantil por unha duración mínima de un ano e máxima de tres anos.

ARTIGO 49.- PROCEDEMENTO SANCIONADOR

1.- O procedemento sancionador será o disposto no RD 1398/1993 de exercicio da potestade sancionadora.

2.- A este respecto correspóndelle a iniciación e a resolución do expediente ó Alcalde-Presidente ou concelleiro delegado de familia no seu caso.

3.- A efectos da imposición de sancións, o órgano competente resolverá atendendo as seguintes circunstancias:

- Intencionalidade.

- A perturbación que poida producir no funcionamento normal da Administración e o servicio.

- Os danos e prexuízos que poidan implicar para os cidadáns ou usuarios dos servicios.

- Reincidencia na comisión das faltas.

- En xeral, a transcendencia para a salubridade pública.

4.- No caso de que os feitos imputados puidesen ser constitutivos de faltas graves ou moi graves, o Alcalde-Presidente ou concelleiro delegado no seu caso, a proposta do instructor, poderá adoptar coma medida cautelar a suspensión de asistencia ó centro mentres se tramita o correspondente expediente por un prazo máximo de seis meses, atendendo a gravidade das conductas presuntamente cometidas e a súa repercusión no bo funcionamento da escola infantil e os dereitos dos demais usuarios.

DISPOSIÓNS ADICIONAIS

PRIMEIRA.- RÉXIME XURÍDICO

Ademais do previsto neste regulamento a escola infantil seralle de aplicación o Decreto 329/2005 polo que se regulan os requisitos específicos que deben reuni-los centros de menores e os centros de atención á infancia, a lexislación de réxime local, e a normativa de desenvolvemento.

SEGUNDA.- MODIFICACIÓNS NORMATIVAS

As referencias contidas neste regulamento a preceptos doutras normas legais ou regulamentarias entenderanse feitas de xeito automático a aqueles preceptos que os substitúan ou modifiquen.

TERCEIRA.- APROBACIÓN DE MODELOS

Facúltase ó Alcalde da Corporación para aprobar mediante Decreto os modelos de documentos a utilizar para as diversas xestións enunciadas neste Regulamento.

CUARTA.- FICHEIRO DE DATOS PERSOAIS

Facúltase á Alcaldía do Concello para crear por medio dun Decreto o ficheiro ou ficheiros de datos de carácter persoal que se deriven da aplicación das disposicións deste Regulamento, de acordo co que dispón o artigo 20 da Lei Orgánica 15/1999, de 13 de decembro, de tratamento automatizado de datos de carácter persoal, créase o ficheiro de datos persoais, así como a modificalos ou suprimilos cando concorran os requisitos establecidos na normativa citada.

QUINTA.- DESENVOLVEMENTO DO REGULAMENTO

Facúltase ó Alcalde-Presidente de Concello de Oroso. a dictar cantos actos sexan necesarios para o desenvolvemento e interpretación do presente regulamento.

SEXTA.- AMPLIACIÓN DAS PRESTACIÓNS DO SERVIZO DE ESCOLA INFANTIL MUNICIPAL

As prestacións que inclúe este servicio que se establece no regulamento, poderán ser obxecto de ampliación se previse no prego de condicións se xestionase indirectamente o servicio, ou por resolución de Alcaldía se a modalidade de xestión e a directa.

DISPOSICIÓN TRANSITORIA PRIMEIRA

Ata a adxudicación do contrato de concesión da escola infantil, os horarios contemplados no artigo 22 serán substituídos polos seguintes:

* Horario de mañá de 8:00 horas a 15:30 horas.

* Horario de tarde: de 15:30 horas a 20 horas.

* Horario partido ou xornada continua: como medida de apoio á familia, poderase utilizar a escola infantil en horarios que comprendan parte dos horarios definidos anteriormente, co máximo de horas establecido no punto 6.

En cumprimento dos obxectivos e para a optimización dos servicio público de Escola Infantil, a concesión destas prazas queda supeditada á existencia de vacantes de prazas en calquera dos horarios de mañá ou tarde.

DISPOSICIÓN TRANSITORIA SEGUNDA

Os nenos/as xa matriculados e aqueles en lista de espera no curso escolar actual deberán elixir ser asignados a un dos horarios ou quendas definidos no presente regulamento, para o cal os seus representantes legais deberán presentar a correspondente solicitude no prazo máximo de 15 días naturais dende a entrada en vigor do presente regulamento, transcorrido o cal poderán ser asignados a un horario por resolución da alcaldía presidencia previo informe da comisión de baremación.

As posibles vacantes, unha vez cubertas pola lista de espera, serán cubertas por unha convocatoria extraordinaria nos termos do artigo 17 do presente regulamento, entendéndose os prazos de presentación e resolución multiplicados por dous.

DISPOSICIÓN DERROGATORIA

Queda derrogada calquera norma municipal sobre a materia en vigor.

DISPOSICIÓN FINAL ÚNICA

O presente regulamento aprobado definitivamente polo Pleno da corporación entrará en vigor unha vez publicado o seu texto íntegro no Boletín Oficial da Provincia e transcorrido o prazo previsto polo artigo 65.2 da Lei 7/85, permanecendo en vigor ata que o Pleno da Corporación acorde a súa modificación ou derrogación.