Novo curso Aula Mentor.
Ao longo do curso aprenderase a gobernar cilindros pneumáticos utilizando como enerxía de manobra a pneumática (circuítos pneumáticos) e tamén utilizando a electricidade (circuítos electropneumáticos). Realizaranse exercicios dun e outro tipo de dificultade progresiva, comezando por exercicios sinxelos e chegando a realizar circuítos de bastante complexidade.
Novos cursos Aula Mentor.
Xa se poden realizar os seguintes curso na Aula Mentor de Oroso:
- Taller de escritura avanzado.
- Iniciación á Musicoterapia.
- Sube á Física no parque de atraccións.
Curso Aula Mentor: "Vídeo: Linguaxe e realización".
O obxectivo básico deste curso será adquirir os coñecementos fundamentais que permitan conseguir producións de afeccionados e mellorar a calidade dos vídeos domésticos.
Está dirixido a aquelas persoas que se queren achegar ao mundo da imaxe en movemento (cinema e vídeo). Desenvolve os coñecementos fundamentais que calquera persoa debe dominar para poder crear e realizar un traballo normalizado con imaxe e son.
Curso Aula Mentor: "Autoedición con Scribus".
O Concello de Oroso vén de informar da ampliación da súa oferta formativa cun novo curso formativo: Autoedición con Scribus, cunha certificación de 90 h. Esta actividade inscríbese no marco da Aula Mentor “Educaoroso”, que pon á disposición dos veciños e veciñas de Oroso a posibilidade de ampliar os seus coñecementos.
A Aula Mentor de Oroso ofrece o curso Lightroom.
O obxectivo deste curso é aprender os fundamentos técnicos do software Adobe PhotoShop Lightroom para sacar o máximo partido ao programa. Unha vez finalizado, o alumno será capaz de realizar con rapidez e eficacia as tarefas máis habituais que precisa calquera fotógrafo, tanto afeccionado como profesional.
