A Coral Polifónica "Santa Eulalia" de Senra, nace da idea dalgúns veciños, que tras reunirse para ensaialas tradicionais "Panxoliñas de Nadal" alá polos anos 90, comentan entre eles, o fermoso que sería ter un coro ou coral na parroquia e no propio Concello de Oroso, posto que non existe ningunha formación igual ou parecida.
É a principios do ano 1997 cando comenzan os primeros movementos para a formalización e creación da coral na parroquia.
O primeiro paso que se da foi á búsqueda dunha persoa que poidera impartir clases e ensaiarlos integrantes da coral. Despois de realizar alguns contactos, aparece a figura de D. Manuel Fernández, músico-trompeta da Banda Municipal de Santiago de Compostela e director da Coral Polifónica de Pontepedriña (Santiago).
O segundo paso, foi estudialas condicións económicas e de programación de ensaios, e por último avisar a todolos veciños para que se anotase a xente que estivera interesada.
A resposta da xente foi moi boa e a principios do mes de febreiro, empézanse os primeros ensaios con 28 persoas.
O 1º de Maio de ese mesmo ano, a Coral fai a sua primeira actuación en público, ofrecendo unha misa cantada na igrexa parroquial, e a continuación unha comida de confraternidade entre todolos compoñentes da coral e as persoas que quixeron acompañalos. Dende entonces todolos anos nesta data á Coral ofrece unha misa cantada, concerto e comida de confraternidade, como celebración de aniversario.
A partir de entonces as actuacións en público vanse sucedendo nas festas parroquiais do concello de Oroso e festivais.
No ano 1998, a Coral estrea o seu primero uniforme, e encamiña parte dos seus esforzos á legalización da Coral. Un ano máis tarde, son presentados e aprobados os estatutos da Coral Polifónica Santa Eulalia de Senra, inscribiéndose tamén no Rexistro de Asociacións.
Queda reflexado nos estatutos ó carácter cultural, social e recreativo da actividade da coral, pretendendo en todo momento fomentar e promocionala cultura tanto profana como relixiosa, e carecendo de finalidade lucrativa. O establecelos estatutos formase unha directiva composta por: Presidente, Secretario, Tesoreiro e Vocais. Esta directiva deberá ser cambiada cada dous anos.
A partir destas datas, a coral ofrece os seus servizos nas diversas festas do concello de Oroso e nos demáis concellos limítrofes, celebrando misas, funerais, vodas, bautizos, comunións e outros eventos relixiosos, tamén participa na semana cultural do concello de Oroso, na semana cultural do concello de Ordes e festivais como o festival de nadal organizado pola A.C. Amigos da Música de Ordes.
Cabe destacar das suas actuacións a participación en varias ocasións na misa da TVG ou no Festival de Vilancicos Caixa Nova, ademáis de diversos intercambios con corais da Comunidade Galega e Portugal.
Coral Polifónica Santa Eulalia de Senra
