Manuel Mirás convida aos veciños “a facer as súas compras en Oroso porque é investir no pobo”.
O alcalde de Oroso, Manuel Mirás, e o concelleiro de Relacións Veciñais, Luís Rey, asistiron na noite de onte xoves á inauguración dun novo establecemento comercial en Sigüeiro: “Zoclos artesanía”, convidados polos donos deste comercio de elaboración artesán de zoclos e de reparación de calzado e artigos de coiro. Manuel Mirás agradeceu o convite e desexoulles toda a sorte aos novos comerciantes de Oroso. O alcalde orosán destacou que “estamos nun momentos nos que temos que animar aos veciños de Oroso a que fagan as súas compras no pobo, porque comprar en Oroso é investir no pobo".
