E de súpeto, o Camiño Inglés despertou do pesadelo: entre o 1 e o 24 de maio duplicó o número de peregrinos con relación a abril. Ou para seren máis exactos, a cifra é maís do dobre: 210 contra 98, sempre referidas a Ferrol (non se teñen aínda datos da Coruña). Entre eles, suízos, portugueses, franceses e alemáns.No que vai de ano, no albergue municipal de Pontedeume houbo 34 pernoctacións, das que 22 foron dende mediados de maio. «De momento, a maioría dos peregrinos opta por durmir en aloxamentos privados, tal vez por medo ou porque descoñecen que estamos abertos, pero aínda así notamos que xa hai moitas gañas de voltar ao Camiño, porque todos os días recibimos chamadas de xente preguntando polo albergue, polo número de prazas e o seu funcionamento de cara os meses de verán», segundo manifestou ao xornla La Voz de Galicia Silvia Sanmartín dende a Oficina de Turismo eumesa. Tanto este albergue como o de Abegondo son os únicos públicos que teñen abertas as súas portas.