Albergues privados
Pavillón deportivo de Sigüeiro
O pavillón municipal de Sigüeiro é gratuito e a súa utilización está supeditada á dispoñibilidade do mesmo debido as actividades deportivas municipais que se realizan.
O pavillón estará aberto para uso por parte dos peregrinos só durante os meses de xullo e agosto e unicamente se dará aloxamento a aqueles grupos de peregrinos que alcancen un mínimo de 40 persoas, sempre con reserva previa, solicitude e autorización do Concello.
Para solicitar autorización para pernoctar no pavillón será necesario cubrir o impreso normalizado e envialo ao Concello de Oroso xunto coa seguinte documentación obrigatoria:
- As normas de utilización do pavillón, asinadas polo/a responsable do grupo.
- Os DNIs de todos os participantes no camiño.
Restauración
O Concello de Oroso conta cunha ampla variedade de negocios de restauración hostaleira de moi alta calidade onde poderá degustar produtos típicos galegos e da comarca.
Punto de Información do Camiño Inglés
Dependente do Concello, a piscina municipal acolle un Punto de Información do Camiño Inglés (PICI), onde os peregrinos dispoñen de toda a información referente aos servizos que poden atopar en Sigüeiro, dende o emprazamento das farmacias ata os teléfonos dos albergues. Como é lóxico, só está aberto na tempada de verán.