Gañadores do concurso de Tapa en Tapa 2018.
Xa temos gañadores do Concurso de Tapas organizado polo Concello de Oroso. Este ano, servíronse unhas 1.120 tapas e todos os clientes destacaron a calidade das mesmas, polo que queremos agradecer o esforzo e o traballo dos establecementos de hostalaría participantes. De feito, estivo moi reñida tanto a votación do público como a valoración do xurado.
Finalmente, o premio do público (300 euros + diploma) con 52 votos foi para o restaurante Cafetería Mirás coa tapa: Capricho de Michelangelo. O premio do xurado (tamén 300 euros + diploma) con 76 votos foi para o Café de Manuela coa tapa: Pescada a 63º con crema de tubérculos e aceite de pementos.
Polo que respecta aos premios para a clientela, resultado dun sorteo entre as 300 papeletas selladas correctamente, os gañadores e gañadoras foron os seguintes: Poliana Ayala Martínez (unha tablet); José Ignacio Rodríguez de la Fuente (estancia en balneario); Mónica Susavila Morales (vale de 100 euros no supermercado Familia de Sigüeiro); Juan Carlos Neira Leis (vale de 50 euros no supermercado Familia de Sigüeiro); Covadonga González Alonso (vale de 100 euros no supermercado Covirán de Sigüeiro), e Loli Tajes Pérez (vale de 50 euros no supermercado Covirán de Sigüeiro).
En breve, desde o Concello de Oroso fixaremos o día para facer a entrega de premios, que será comunicado aos premiados e aos establecimientos participantes. Grazas a tod@s!
