O Concello de Oroso informa do comezo das obras dun circuíto "Pumb Track" para bicicletas en Porto Avieira
O Concello de Oroso informa aos seus veciños e veciñas que esta mesma semana comezaron as obras de construción en Porto Avieira dun circuito ‘Pumb Track’ para bicicletas.
Terá unha lonxitude de máis de 800 metros e un ancho variable de entre 2,40 e seis metros. Para a súa construción, utilizarase zahorra e outros materiais adecuados ao entorno natural.
O circuito foi unha petición do Club Ciclista Oroso ao concello. “Considerámolo unha boa iniciativa para fomentar os hábitos de vida saudables e o deporte entre os nenos e nenas”, explica Antonio Leira, concelleiro de Deportes.
Dentro desa aposta e na mesma zona de Porto Avieira, se porá en marcha tamén un novo circuíto de lecer e multideporte, ao redor do campo de hípica e de béisbol, no que se poderán practicar varias modalidades deportivas andando, correndo, en bicicleta ou patinete.
Outros proxectos desenvolvidos recentemente na zona foron a zona de esparexemento canina e a recuperación da mina das Grobias (actualmente en proceso), mellorando os servizos e infraestruturas para os veciños.
