Nova sinalización e repintado en varias rúas de Sigüeiro
O Concello de Oroso, a través da Concellaría de Obras, está realizando traballos para a colocación de nova sinalización e o repintado de varias rúas e prazas do casco urbano de Sigüeiro que foron aglomeradas hai uns días.
Ademais, vanse repasar todos os pasos de peons do casco urbano, para mellorar a seguridade viaria e reducir o risco de atropello.
Estas actuacións, xunto aos traballos no pavimento de varias rúas, teñen un orzamento de 55.000 euros.
Os traballos para renovar o firme realízáronse nas seguintes rúas e prazas:
-Praza Isaac Díaz Pardo.
-Lenguelle.
-Cultura.
-Rúa Tambre.
-Batalla.
-Portiño.
-Zona de Alexandre Bóveda.
O mantemento nas melloras condicións das vías e camiños municipais é unha prioridade para o grupo de goberno.
Estas actuacións forma parte do plan integral de mellora e renovación dos servizos e infraestruturas de Oroso, tanto no centro urbano como nas parroquias.
