Sigüeiro acolle unha charla sobre as curiosidades dos ríos de Oroso.
Previamente terá lugar a inauguración da exposición coas fotografías presentadas ao concurso fotográfico “Fotografía os nosos ríos”.
O Centro Cultural Fernando Casas e Novoa de Sigüeiro acollerá este xoves, 7 de maio, ás 20:00 horas, unha conferencia titulada “As curiosidades dos ríos de Oroso”, que será impartida por Fernando Cobo, profesor titular de Zooloxía da Universidade de Santiago de Compostela e director da Estación Hidrobiolóxica da USC do Encoro de Con. Unha iniciativa aberta a todos os veciños e veciñas de Oroso, independentemente da súa idade, e que os achegará a coñecer algúns aspectos dos seis ríos que bañan este municipio: Tambre, Carboeiro, Samo, Cabrón, Lengüelle e Maruzo.
Despois da conferencia, o Concello de Oroso fará entrega duns obsequios aos participantes no certame de fotografía “Fotografía os nosos ríos”, momento no que quedará inaugurada unha exposición coas imaxes aportadas polos veciños e veciñas do municipio e que poderá visitarse durante a XIII Festa da Troita.
