subscricion Subscricións novas rss Novas RSS contacto Contacto

XXIII Festa da Troita.


Manuel Mirás Estimados veciños e veciñas:
Un ano máis, Oroso convértese no centro de atención durante o mes de maio. A XXIII Festa da Troita é unha cita consolidada no calendario turístico galego e peninsular, que este ano será os días 10, 11 e 12 de maio.
Cúmprense ademais dez anos desde que a nosa gran cita para a gastronomía e a diversión foi declarada Festa de Interese Turístico, un recoñemento que chegou grazas a todos vos. Non é posible que unha celebración acade o prestixio da Festa da Troita se non é pola colaboración veciñal, polo agarimo con que tratades a todos os visitantes que eses días pasan polo noso concello.
Como vén sendo habitual nos últimos anos, máis de 30.000 persoas pasarán polo concello a degustar o manxar dos ríos e a desfrutar do noso patrimonio histórico e paisaxístico. Pero o máis importante será que marchen de Oroso coa sensación de pasar unhas horas nun lugar amigo e acolledor, algo que non sería posible sen a vosa axuda. Grazas.
Oroso é natureza, gastronomía e hospitalidade, o concello dos seis ríos é un lugar de parada no Camiño Inglés a Compostela. Sempre é un bo momento para saborear a troita e pasear polos sendeiros naturais do municipio, pero como ben sabedes a Festa da Troita é moito máis: haberá música de día e de noite, artesanía, cultura, animación de rúa e actividades para todas as idades.
No amplo programa deste ano, hai espazo como sempre para comer, rir, bailar, mercar produtos da zona e pasalo ben. Como non podía ser doutra maneira, as degustacións de troita e o tradicional xantar popular o domingo 12 de maio serán os pratos fortes da festa.
Neste 2019, o pregón correrá a cargo do reitor da Universidade de Santiago de Compostela, Antonio López Díaz, que porá o broche fi nal a tres días de gastronomía, deporte, cultura e música coas tradicionais verbenas populares a cargos das mellores orquestras do momento, bandas de música e charangas pola rúa. Tamén haberá atraccións para os máis pequenos e moi bo ambiente.
Como podedes imaxinar, detrás dun evento deste tipo hai moitas horas de traballo e esforzo. Como cada ano, quero lembrarme de todos aqueles e aquelas que colaboran no éxito da Festa da Troita: o persoal do concello, o equipo de goberno, os establecementos de hostalaría, Protección Civil, Garda Civil, músicos invitados, pescadores e expositores.
Xa temos todo preparado e agora só queda pasalo ben. Coa satisfacción do interese que a festa provoca fóra da nosa provincia e de Galicia, só quero incidir no meu agradecemento a todos vós, veciños e veciñas de Oroso, por ser quen de poñer o concello no mapa. Grazas por esta marabillosa Festa da Troita e a desfrutar!


Programa da Festa

programa festa da troita


  • 22:30 horas: FESTIVAL OROSO EN VIVO
         - Orquestra Panorama
         - Orquestra Ibiza
    Lugar: Alameda de Góis

  • 09:00 a 13:00 horas: Campionato de pesca Adultos/as
  • 10:00 a 13:00 horas: Obradoiros infantís
    Lugar: Praza de Isaac Díaz Pardo
  • 12:00 horas: Inauguración exposición "Son de Campo Mulleres Rurais e Comercio Local e Postos de Artesanía".
    Lugar: Arredores Praza de Isaac Díaz Pardo
  • 12:00 horas: Charanga os Atrevidos.
  • 16:00 a 20:00 horas: Campionato de pesca Adultos/as.
  • 18:00 horas: Asoc. Folklórica Lembranzas do Tambre.
    Lugar: Praza de Isaac Díaz Pardo
  • 19:30 horas: Asoc. Cultura Néboas do Cumio.
    Lugar: Praza de Isaac Díaz Pardo
  • 22:30 horas: FESTIVAL OROSO EN VIVO.
         - Orquestra Olympus
         - Orquestra Finisterre
    Lugar: Alameda de Góis


  • 09:30 a 13:30 horas: Campionato de Pesca Infantil.
  • 10:30 horas: Pasacalles.
         - Charanga Os Celtas
  • 11:30 a 13:30 horas: Mago Romarís "Ilusións ópticas".
    Lugar: Praza Isaac Díaz Pardo
  • 12:00: Banda de Música de Arca
    Lugar: Praza Isaac Díaz Pardo
  • 12:30: Barafunda animación de rúa Troita e pescadores
  • 13:00: Pasacalle e baile.
    Actuación: A.F. Buxos Verdes

    Lugar: Alameda de Góis e arredores
  • 13:30 horas: Pregón Popular a cargo de Antonio López Díaz, reitor magnífico da USC.
    Entrega de premios e trofeos do Campionato de Pesca.
    Lugar: Alameda de Góis.
  • 14:15 horas: Sesión Vermú:
         - Orquestra Principal
    Lugar: Alameda de Góis.
  • 14:30 horas: Degustación
    Lugar: Carpa da Alameda de Góis. 
  • 19:30 horas: Verbena:
         - Orquestra Principal
         - Orquestra Gran Parada
    Lugar: Alameda de Góis.
     

En caso de mal tempo as programacións da Praza Isaac Díaz Pardo trasladaranse ao Centro Cultural.



Relación de bares participantes na degustación de troitas.

ANBORE COFFEE BAR BAR A RUTA BAR BOQUETE BAR FALMEGA
BAR FERNÁNDEZ BAR GOROS BAR NOVA XEIRA BAR O CAMPO
BAR O CAZADOR BAR XQ NO? BAR RINCÓN DE MARÍA PARRILLADA SEOANE
BAR TAPAS CAFÉ BAR ÉBANO SIGÜEIRO HOSTEL VINOTECA RAQUEL
CAFÉ BAR SIGÜ CAFÉ BAR 1X2 CAFETERÍA CHE CAFETERÍA D'VILA
CAFETERÍA 6 RIOS CAFET. REST. VDA. DE NOUCHE CERVECERÍA 1900 PARRILLADA AS VIÑAS
MESÓN OS MADEIROS MESÓN TAMBRE O CAFÉ DE MANUELA PARRILLADA CACHOPAL
PULPERÍA MESÓN AS RÍAS RESTAURANTE A CANTINA RESTAURANTE BALASAR RESTAURANTE CORTÉS
RESTAURANTE OS MARIÑAOS RESTAURANTE MIRÁS    




Colaboran: