Concurso de receitas de entroido. "En galego sabe mellor".
Receita gañadora. Francisco Javier Martínez Martín
ESCUMA DE GRELOS CON LACÓN
DESCARGAR RECEITA
Receita finalista. Pilar Muradás Vietez
PEMENTOS DO PIQUILLO CON RECHEO DE CACHUCHA
DESCARGAR RECEITA
Receita Premio Especial. Aula de maiores da Gardería Trastes
FILLOAS RECHEAS DE CHOCOLATE E PLÁTANO
DESCARGAR RECEITA
Bases do Concurso
As bases polas que se rexerá o Concurso de receitas de Entroido “En galego sabe mellor” do Entroido Oroso 2017 son:
PRIMEIRA:
Poderán participar todas as persoas interesadas, sempre e cando cumpran os requisitos establecidos.
SEGUNDA:
O concurso está dirixido a adultos maiores de 16 anos.
TERCEIRA:
As receitas terán que ser típicas do Entroido, deberán estar escritas en lingua galega e presentarse mecanografadas. Así mesmo, deberase presentar o prato elaborado o día indicado pola organización.
CUARTA:
Valoraranse a presentación e a creatividade do prato, e a orixinalidade e a lingua da receita.
QUINTA:
Aceptaranse como máximo dúas receitas por participante, sendo premiada únicamente unha delas.
SEXTA:
Os concursantes presentarán as súas receitas no Centro Cultural Fernando Casas e Novoa, de luns a venres de 10:00 a 14:00h e de 17:00 a 20:00h e os sábados de 10:00 a 13:00h, tendo como data límite de presentación o 22 de febreiro de 2017, antes das 14:00h. O día 23 de febreiro o prato deberá entregarse cociñado no centro cultural de 9 a 14 ou de 17 a 18h.
SÉTIMA:
Requirirase presentar a seguinte documentación: a receita presentada no concurso, impresa en papel, co nome e os datos persoais do autor.
OITAVA:
O día 25 de febreiro, arredor das 19.30h, terá lugar un acto de entrega de premios, ao cal poderán asistir todos os participantes e o público en xeral, realizarase a entrega durante o concurso de disfraces.
NOVENA:
Os premios dos gañadores serán os seguintes:
> Gañador: Cea para dúas persoas nun restaurante do termo municipal de Oroso
> Finalista: Libro de cociña
Ademais, as súas receitas serán publicadas na páxina web do concello: www.concellooroso.com
DÉCIMA
A participación no concurso significa a aceptación destas bases.
