Obradoiro creativo sobre equipamento para a inclusión e capacitación dixital
O vindeiro mércores día 19 de xullo de 2023 na Aula CeMIT De Sigüeiro-Oroso levarase a cabo un obradoiro experimental no que se empregarán algúns dos equipos de última tecnoloxía incorporados recentemente na Aula CeMIT. Impresoras 3D, material de robótica e kits de construción, drons DJI, gafas de realidade virtual 360 ou placas Arduino e Raspberry Pi de comunicación e programación.
A actividade está dirixida a adultos e terá lugar o mércores día 19 de xullo entre as 10:00 e as 14:00 horas. As persoas interesadas poden inscribirse na Aula CeMIT ou no segunte enlace: https://cemit.xunta.gal/gl/formacion/formacion-presencial/42728
Para participar non é necesario que se teñan coñecementos previos sobre a utilización dos citados materiais, pero si nocións básicas en tecnoloxías da información e da comunicación (TIC). Será un obradoiro demostrativo e experimental na que se analizarán algunhas aplicacións e usos dos sistemas e equipamento tecnolóxico existentes na Aula CeMIT, cun enfoque divulgativo, educativo e de ocio. Explicaranse tanto aspectos técnicos e as principais utilidades de cada un coma recursos para o seu aprendizaxe.
A través deste obradoiro, a Aula CeMIT da continuidade á súa labor de impulso e mellora das competencias dixitais da cidadanía, así como a súa autonomía á hora de empregar a tecnoloxía.
