I Certame de Traballos de Investigación do Camiño Inglés.
Premiados do Certame
CATEGORÍA DE INVESTIGADORES:
3º PREMIO: MÓNICA GARRIDO LAVANDEIRA
2º PREMIO: SILVIA LEÓN MARTÍNEZ
1º PREMIO: ÓSCAR PEREA RODRÍGUEZ e PAULA CADAVEIRA LÓPEZ
CATEGORÍA DE PEREGRINOS/AS:
3º PREMIO: SARA POSE MARTÍNEZ
2º PREMIO: MANUEL RUÍZ GÓMEZ DE FEZ
1º PREMIO: BRIGID RYAN
CATEGORÍA DE MOZO/A ATA 18 ANOS:
3º PREMIO: ESTELA BROCOS OTERO
2º PREMIO: ADRIÁN BOQUETE MORENO
1º PREMIO: MARTÍN FERNÁNDEZ VILLAVERDE
PREMIOS ESPECIAIS APORTADOS POR GALICIA CALIDADE E PAZOS DE GALICIA
- Mención de honra a MANUEL PAZOS GÓMEZ (Estancia dunha noite na Casa Grande do Bachao, xentileza de Pazos de Galicia)
- O xurado valora tamén o traballo de ADRIANA GARCÍA, ÁNGELA PITA e SARA POSE e agasallas cun lote de produtos galegos, por xentileza de Galicia Calidade.
- Mención espacial a "Persoa Colaboradora" EVA CASTRO BLANCO, o xurado recoñece a súa labor e o seu traballo motivando e animando a totalidade dos seus alumnos/as de 6ºA, do CEIP SIGÜEIRO (Estancia dunha noite or xentileza de Galicia Calidade)
Composición do xurado:
- Vanesa Boo Martínez (alcaldesa en funcións)
- Luis Rey Villaverde (concelleiro de cultura)
- José Salgado Mosquera (fotográfo)
- Magdalena Rodríguez Fernández (profesora da UDC)
- Alfonso Cabaleiro Durán (director de Galicia Calidade)
- Telmo Rodróguez Cid (divulgador do Camiño)
- Javier Goyanes Vilar (Presidente de Pazos de Galicia)
- Secretaria: Lucía Vilariño Viqueira
Bases do Certame
O Concello de Oroso convoca o I Certame de Traballos de Investigación do Camiño Inglés, de acordo coas seguintes
- Os traballos deberán referirse a calquera faceta do Camiño Inglés, tanto en Galicia como noutras partes de España ou noutros países.
- Poderán ser presentados en galego normativo, castelán ou inglés e deberán ser orixinais e inéditos. Aceptaranse os que foran presentados a outros certames sempre e cando non recibiran premio nin mención ningunha.
- Establécense tres categorías: investigadores/as, peregrinos/as maiores de idade (diarios de peregrino e experiencias persoais) e mozos/as ata os 18 anos.
- A extensión mínima será de 18.000 caracteres para investigadores/as, 5.000 para peregrinos/as e 2.500 para os/as menores de 18 anos, e deberán estar mecanografados a dobre espazo, agás os estudantes de Primaria e Infantil, que poderán presentalos escritos a man.
- Poderán presentarse en soporte papel no Centro Cultural Fernando de Casas e Novoa ou enviarse por correo electrónico, en formato Word ou PDF, ao seguinte enderezo: cultura@concellooroso.com
- Poderán ser presentados por persoas individuais ou por conxuntos de persoas. Cada autor/a ou autores/as poderán presentar cantos traballos desexen.
- A data límite de presentación será o 31 de marzo de 2016.
- Establécense os seguintes premios:
Investigadores/as:
Primeiro premio: 1.000 euros
Segundo premio: Unha tableta
Terceiro premio: Viaxe desde a súa residencia ata A Coruña ou Ferrol para facer o Camiño Inglés, con acollida (cea e aloxamento por unha noite) en Oroso, cando a etapa remate neste concello.
Peregrinos/as:
Primeiro premio: Unha tableta
Segundo premio: Un disco duro
Terceiro premio: Invitación a dúas persoas para coñecer o Camiño no Concello de Oroso unha fin de semana
Mozos/as ata 18 anos:
Primeiro premio: Unha tableta
Segundo premio: Gran Enciclopedia do Camiño de Santiago
Terceiro premio: Bono para mercar nunha tenda local por valor de 100 euros
- As persoas que resulten premiadas recibirán un diploma acreditativo da súa participación no certame.
- Os premios estarán suxeitos ás retencións que marque a lei.
- O Concello de Oroso designará un xurado para cada categoría, que estará composto por un mínimo de cinco persoas, das cales polo menos tres deberán ser alleas ao cadro de persoal administrativo do Concello de Oroso, presididas polo concelleiro de cultura. No xurado de investigadores/as, un dos seus membros pertencerá ao claustro dalgunha universidade galega. Os xurados faranse públicos ao mesmo tempo que os fallos, podendo ser declarado deserto calquera dos premios.
- O Concello quedará cunha copia dos traballos presentados, que pasará a formar parte dos fondos propios do CEICI. Así mesmo, o/a autor/a ou autores/as cederán ao dito concello os dereitos de publicación da primeira edición dos traballos premiados.
- Non se devolverán os orixinais nin as copias dos traballos participantes, e non se manterá en ningún caso nin en ningún momento contacto cos autores/as premiados./as
- A participación no certame implica a aceptación destas bases e das resolucións que tome o xurado en caso de calquera discrepancia ou aclaración.
