Concurso de receitas de entroido. "En galego sabe mellor".
Bases do Concurso
As bases polas que se rexerá o Concurso de receitas de Entroido “En galego sabe mellor” do Entroido Oroso 2023 son:
PRIMEIRA:
O concurso está dirixido a maiores de 16 anos.
SEGUNDA:
As receitas terán que ser típicas do Entroido, deberán estar escritas en lingua galega e presentarse en memoria USB ou enviar ao mail cultura@oroso.gal. Así mesmo, deberase presentar o prato elaborado o día indicado pola organización.
TERCEIRA:
Valorarase, a presentación e a creatividade, ser típicas de entroido, o sabor, así como a orixinalidade e a lingua da receita.
CUARTA:
Aceptaranse como máximo dúas receitas por participante, sendo premiada únicamente unha delas.
QUINTA:
Os participantes presentarán as súas receitas no Centro Cultural Fernando Casas e Novoa, de luns a venres de 9 a 14 h e de 16:30 a 20:30 h, e os sábados de 10 a 13h, tendo como data límite de presentación o martes 14 de febreiro de 2023, antes das 14:00h. O día 16 de febreiro o prato deberá entregarse cociñado no centro cultural de 9 a 14 ou de 16:30 a 17:30h.
SEXTA:
Requirirase presentar a seguinte documentación: a receita presentada no concurso en memoria USB ou no mail cultura@oroso.gal, e noutro documento o título da receita cos datos persoais do/a autor/a.
SÉTIMA:
O día 18 de febreiro, arredor das 19.30h, terá lugar un acto de entrega de premios, ao cal poderán asistir todos os participantes e o público en xeral, realizarase a entrega durante o concurso de disfraces.
OITAVA:
Os premios dos gañadores serán os seguintes:
> Gañador: Cea para dúas persoas no restaurante La Bodeguilla de Santa Marta (Santiago de Compostela)
> Finalista: Un lote de produtos gourmet
Ademais, as súas receitas serán publicadas na páxina web do concello: www.concellooroso.com
NOVENA
A participación no concurso significa a aceptación destas bases.
